DEODANDA

DEODANDA

Scriptoribus Anglis appellantur bruta omnia et inanimata, quorum impetu vita hominis tollitur, v. g. bos cornupeta, equus calcitrans, trabis aut domi casus, vel ruina navis in flumine fractae etc. quod eorum pretium in pios usus erogaretur et Deo donaretur, Bracton. l. 3. Tract. 2. c. 5. n. 8. Apud Athenienses vero, canis qui momorderat, noxae datus est, lege Solon. apud Plutarch. in eo. Apud eosdem Draco etiam τὰ ἄψυχα, puta ligna; lapides, ferrum, quibus quis laesus esset, ὑπερορίζειν, finibus eicere, iussit. Sed et Thasii pugilis Theagenis statuam, latâ sententiâ, ideo in mare deiecêre, quod ruinâ suâ quempiam oppressisset: apud Pausan. Atticis et Eliacis posterioribus. vide quoque hîc passim, inprimis ubi de Bove Cornupeta, et Dicasteriis Atheniensium.